Швейцарийн хөгжлийн агентлагийн Ногоон алт малын эрүүл мэнд төслийн төв байранд Загвар сумдын сургалт, уулзалт эхэллээ. Сургалтад загвар 15 сумын төлөөлөл оролцож байна. Энэхүү сургалтаар “Загвар сумд тавигдах шаардлагууд”, “Малын гаралтай түүхий эдийн мөшгих тогтолцооны програмын танилцуулга”, “Хариуцлагатай малчин стандарт”, “Малын түүхий эд бэлтгэн нийлүүлэх малчдын хоршоо болон Хадгаламж зээлийн хоршооны үйл ажиллагааг хэрхэн уялдуулах” зэрэг сэдвүүдээр мэдээлэл өгнө.

“Монголын бэлчээр ашиглагчдын нэгдсэн холбоо” ТББ –аас үндэсний үйлдвэрлэгчдийн чанартай, тасралтгүй бэлтгэн нийлүүлэх түүхий эдээ хангах боломжийг бүрдүүлэх зорилгоор “Дижитал медик” ХХК-тай “Малын гаралтай түүхий эд бэлтгэн нийлүүлэлтийн мөшгих системийг хөгжүүлэх ажил гүйцэтгэх гэрээ”-г байгууллаа.

Сүхбаатар аймгийн Баруун-Урт суманд “Сүхбаатар аймгийн Бэлчээр ашиглагчдын холбооны сургалт семинар” эхэллээ. Сургалтыг Сүхбаатар аймгийн Бэлчээр ашиглагчдын холбоо” ТББ, Сүхбаатар аймгийн Бэлчээрийн менежмэнтийн ажлын хэсэг, “Монголын бэлчээр ашиглагчдын нэгдсэн холбоо” ТББ хамтран зохион байгуулж байна. Сургалтыг нээж Сүхбаатар аймгийн Засаг дарга Ж.Эрдэнэбаатар үг хэллээ.

“ULA+LIA” компанийн захирал Жон Хейтс МБАНХ-ны “Ногоон алт Дундын хоршоо”-ны Гүйцэтгэх захирал, С.Жамбалдоржтой уулзан ирэх онд хамтран ажиллах гэрээгээ дахин үргэлжүүлнэ гэдгээ мэдэгдлээ.

Монголын бэлчээр ашиглагчдын нэгдсэн холбоон дээр өнөөдөр Лавай худалдааны төв, Наадам центрт гарал үүсэл нь баталгаажсан мах худалдаалах борлуулалтын ажилтнууддаа зориулан сургалт зохион байгууллаа. Энэ үеэр Борлуулалтын ажилтангуудтай өнөөдрөөс эхлэн “Ажил гүйцэтгэх гэрээ”-г байгуулж, “Мал эмнэлгийн баталгаажуулах систем”, “Мөшгих тогтолцоо”-ны талаарх мэдээллийг өглөө. Мөн гарал үүсэл нь баталгаажсан мах худалдан авах хүсэлтэй хэрэглэгчдэд “Гарал үүслийн мэдээллийг шалгах”, “Гар утасны апп татах” зааварчилгааг хэрхэн өгөх талаар зааж ө

Швейцарын хөгжлийн агентлагийн Ногоон алт малын эрүүл мэнд төслийн /НАМЭМ/ 2019 оны анхны багийн уулзалт Скай Плаза төвд боллоо. Энэ удаагийн уулзалтаар НАМЭМ төслийн хүрээнд хамтран ажиллаж байгаа Монголын Арьс ширний үйлдвэрлэлийн холбоо, Монголын Ноос ноолуурын холбоо, Дижитал Медик ХХК-ний төлөөллүүд оролцож, өнгөрөгч 2018 онд хийсэн ажлаа тайлагнаж, хамтын ажиллагааны ололт амжилтын талаар ярилцав. Уулзалтын эхэнд 2019 онд Ногоон алт малын эрүүл мэнд төслийн хүрээнд хийх ажлын талаар ярилцаж, загвар сумдын тоог 27 болгож, тэдэнтэй хэрхэн хамтарч ажиллах, гарал үүсэл нь баталгаажсан, мөшгих тогтолцооны хүрээнд бэлтгэгдэж байгаа махыг хэрэглэгчдэд хэрхэн хүргэх талаар санал солилцсон юм.

Монгол улсын эдийн засгийн нэгэн чухал хөшүүрэг бол мал аж ахуйн салбар. Мал аж ахуйн салбарын үндэс бол мэдээж бэлчээр. Тиймээс бэлчээр нутгаа зөв зохистой ашиглаж, хайрлаж хамгаалах нь дан ганц малчин хүн төдийгүй монгол хүн бүрийн журамт үүрэг гэж болно. Хэдийгээр Монгол Улс 1996 онд “Бэлчээрийн тухай хууль”-тай болно гэж ярьж эхэлсэн ч өнөөдрийг хүртэл уг хууль батлагдахгүй 5 парламент дамнаад явж байна.

Европын холбооны санхүүжилтээр хэрэгжиж буй “STEP ECOLAB” буюу “Монголын нэхмэлийн салбарын тогтвортой үйлдвэрлэл, Эко тэмдэг” төслийн багийн уулзалт өчигдөр Корпорейт зочид буудалд боллоо.

Хөвсгөл аймгийн Шинэ-Идэр сумын харъяат, Аймгийн арслан Ц.Сандагдоржтой ярилцлаа.

Монголын бэлчээр ашиглагчдын нэгдсэн холбоо, Хөдөө аж ахуйн их сургуулийн Агроэкологийн сургууль хоёр хамтран ажиллах гэрээ байгууллаа. Дөрвөн жилийн хугацаатай хэрэгжих уг гэрээг Монголын бэлчээр ашиглагчдын нэгдсэн холбооны Гүйцэтгэх захирал Н.Ганхуяг болон Хөдөө аж ахуйн их сургуулийн Агроэкологийн сургуулийн захирал А.Буянбаатар нар үзэглэлээ.

“Ногоон Бэлчээр” малчдын хөнгөлөлттэй зээлийн туршилтын төслийг Ховд аймгийн Чандмань суманд хэрэгжүүлэхэд хамтран ажиллах санамж бичгийг байгууллаа. Ховд аймгийн Чандмань суманд 2019 оны 2 сарын 1-нээс 2020 оны 10 сарын 30-ыг хүртэл хэрэгжүүлэх малчдын хөнгөлөлттэй зээлийн туршилтын төсөл дээр хамтран ажиллахад Хас банк, нөгөө талаас Швейцарын хөгжлийн агентлагийн Ногоон алт Малын эрүүл мэнд төсөл, Монголын бэлчээр ашиглагчдын нэгдсэн холбоо оролцож байна. Төслийн хүрээнд бэлчээрийн нөөцийг зүй зохистой ашиглалтыг төлөвшүүлэх, малчдын орлогыг нэмэгдүүлэх үүднээс бэлчээрийн даацаас хэтэрсэн мал мах бэлтгэхийн тулд малын эрүүл мэндийн үйлчилгээг сайжруулах ажлыг дэмжих зорилготой ажээ.

Швейцарийн Хөгжлийн агентлагийн Ногоон алт малын эрүүл мэнд төслийг орон нутагт хэрэгжүүлэх зорилгыг хүрээнд Юнител групптэй хамтран ажиллах гэрээ байгуулсан билээ.

Швейцарын хөгжлийн агентлагийн Хамтын ажиллагааны захирал, Ерөнхий консул Габриэлла Спирли Хүнс, хөдөө аж ахуй, хөнгөн үйлдвэрийн сайд Ч.Улаантай уулзлаа. Уулзалтын эхэнд хатагтай Габриэлла Спирли “Ногоон алт-Малын эрүүл мэнд” төслийн зорилго, хамрах хүрээ, шинэ санаачилгын талаар танилцуулсан. Монгол Улсын 18 аймгийн 80 мянган малчин өрхийг хамруулан хэрэгжүүлж буй уг төсөл нь бэлчээрийн тогтвортой менежментийг бэхжүүлэх, малын эрүүл мэндийг хамгаалах, малчдыг тогтмол орлоготой болгоход чиглэж байна. Төслийн хүрээнд бэлчээрийн төлөв байдлыг тодорхойлох хоёр удаагийн судалгаа хийсэн. Судалгааны дүнгээс харахад манай улс бэлчээрийн даацад тохирсон мал аж ахуй эрхлэх нь зүйтэй гэдэг нь нотлогдсон бөгөөд малчдад ч бэлчээр талхлагдаж байгаа нь эргээд тэдний амьжиргаанд сөргөөр нөлөөлж байгааг ойлгох болсон.

НҮБ-ийн Хөдөө аж ахуйг хөгжүүлэх олон улсын сангийн зээлийн хөрөнгөөс санхүүжигдэх IFAD буюу “Зах зээл ба бэлчээрийн удирдлагын хөгжил” төслийн хүрээнд “Бэлчээр ашиглагч малчдын бүлэг” (БАМБ)-ийг бэхжүүлэх, чадавхижуулах зорилготой орон нутгийн иргэдэд зориулсан сургалт зөвлөгөөн Сүхбаатар аймгийн Түвшинширээ сумаас эхэлж байна. Архангай, Өвөрхангай, Дундговь, Дорнод, Сүхбаатар, Хэнтий гэсэн зургаан аймагт төсөл хэрэгжиж буй зорилтот сумдад малчдын бүлгүүдийг байгуулж, бэхжүүлэх, хоршоо болгон хөгжүүлэх, бэлчээр ашиглалтыг сайжруулах чиглэлд зөвлөх үйлчилгээ үзүүлэхээр Монголын бэлчээр ашиглагчдын нэгдсэн холбоо болон “Хөгжлийн оньсон түлхүүр төв” ТББ-уудын түншлэл хамтран ажиллаж байгаа юм:

Өнөөдөр дэлхий даяар байгаль экологио хамгаалах асуудал хурцаар тавигдаж байгаа энэ үед малын тоо толгойг хязгаарлаж, зохистой хэмжээнд байлгах нь нэн чухал билээ. Монгол Улсын хувьд мал сүргийн тоо толгой нэмэгдсэнээс болж бэлчээрийг өнжөөж, сэлгээх боломж алдагдаж, ургамлын нөмрөг, бүтэц бүрэлдэхүүн доройтож байгаа талаар судлаачид өгүүлж буй. Тухайлбал, 1961-1990 оны малын дундаж тоотой харьцуулахад малын тоо 2.9 дахин буюу 43.1 сая толгойгоор нэмэгдсэний дотор ямаа 6.1 дахин, хонь 2.2 дахин, үхэр, адуу 1.8-1.9 дахин өсөж, тэмээний тоо 1.4 дахин буурчээ. Бог малын харьцаа өмнө нь хонь 72 хувь, ямаа 28 хувийг эзэлж байсан бол өнөөдөр бог малын 55 хувь ямаа, 49 хувь хонь болсон байна. Ийнхүү мал сүргийн бүтэц алдагдаж, ямаан сүрэг ихээр өссөн нь байгаль экологид сөргөөр нөлөөлж, бэлчээрийг доройтуулах нэг шалтгаан болж байгаа ажээ.Эдийн засгийн ашиг талаас харж болох ч хойч үедээ бэлчээр нутгаа урт удаан хугацааны туршид хэвийн ашиглах боломжийг үлдээх ёстой хэмээн ямааны бэлчээрт үзүүлэх нөлөөг судалсан эрдэмтэн судлаач Ч.Оюунцэцэг өгүүлж байна. Ингээд Мал аж ахуй эрдэм шинжилгээний хүрээлэнгийн Эрдэм шинжилгээний ахлах ажилтан, Хѳдѳѳ аж ахуйн ухааны доктор Чүлтэмжамцын Оюунцэцэг тэй ярилцсанаа хүргэж байна.