Монголын бэлчээр ашиглагчдын нэгдсэн холбооны дэргэдэх баталгаажуулалтын алба

Монголын бэлчээр ашиглагчдын нэгдсэн холбооны дэргэдэх баталгаажуулалтын алба нь гүйцэтэгх захиралын  2021 оны 07-р сарын 27-ний өдрийн 21/13 тушаалаар байгуулагдсан бөгөөд   MNS ISO/IEC 17065:2013 “Тохирлын үнэлгээ-Бүтээгдэхүүн, үйл явц, үйлчилгээний баталгаажуулалтын байгууллагад тавих шаардлага” стандартын шаардлагыг хангаж үндэсний итгэмжлэлийн төвийн даргын 2022 оны 10 дугаар сарын 5-ны өдрийн А/112 дугаар тушаалаар 2 жилийн хугацаатай итгэмжлэгдсэн.

Бэлчээрийн, нүүдлийн мал аж ахуйг тогтвортой эрхлэх, монгол малаас гаралтай түүхий эд, бүтээгдэхүүний давуу тал, чанар, үнэлэмжийг  харуулах зорилго   бүхий   “МNS 6891:2020. Хариуцлагатай нүүдэлчин  зохистой дадлыг нэвтрүүлэхэд тавих шаардлагууд” хэмээх үндэсний  стандарт батлагдсан билээ. Бид тус стандартыг үйл ажиллагаандаа дадал болгон нэвтрүүлж буй сум, баг, малчдын бүлэг, хэсэг, хоршоодын үйл ажиллагаа, үйлчилгээнд  тохирлын үнэлгээ  хийж шаардлагыг бүрэн хангасныг үнэн зөв нотлох,  гарсан үр дүнд нь дүн шинжилгээ хийх, бүтээгдэхүүний тогтолцоонд баталгаажуулалтын тохирлын гэрчилгээ олгох тухай шийдвэр гаргах,  хэрэглэгчдэд зөв, оновчтой сонголт хийхэд  туслах болно. 

БҮТЭЦ

Итгэмжлэл

БАТАЛГААЖУУЛАЛТЫН АЛБАНЫ БҮТЭЦ ЗОХИОН БАЙГУУЛАЛТЫН СХЕМ

Баталгаажуулалтын шинжээч 

БАТАЛГААЖУУЛАЛТЫН ҮЙЛ ЯВЦЫН ЕРӨНХИЙ СХЕМ

БАТАЛГААЖУУЛАЛТЫН ҮЙЛ ЯВЦЫН СХЕМ /МБАНХ-Б-01-2023/

БАТАЛГААЖУУЛАЛТАД ХАМРАГДАХ ХҮСЭЛТ

Үйлчлүүлэгчээс гаргах хүсэлт нь эхний удаа баталгаажуулах буюу давтан баталгаажуулж сунгуулах тохиолдолд хүсэлт гаргагч байгууллагаас гаргуулах мэдээлэлд бүрдүүлэх мэдээллийг хөнгөвчлөх шуурхай үйл ажиллагааг бий болгох нөхцөлийг бүрдүүлнэ.

Баталгаажуулалт хийлгэх тухай хүсэлтийг greenmongolia.mn веб хуудсанд байршуулсан  МБАНХ-Б-10-2023 өргөдлийн маягтыг үнэн зөв бөглөж баталгаажуулан хавсралт материалын хамт цахимаар болон цаасаар ирүүлнэ. Баталгаажуулалт хийлгэх хүсэлтэд дараах материалыг хавсарган үрүүлнэ. Үүнд:

• Албан бичиг
• Байгууллагын улсын бүртгэлийн гэрчилгээний /хуулбар/
• Улсын бүртгэлээр баталгаажуулсан байгууллагын дүрэм /хуулбар/
• Өөрийн үнэлгээний тайлан / MNS 6891:2020-Хариуцлагатай нүүдэлчин зохистой дадлыг нэвтрүүлэхэд тавих шаардлага стандартын дагуу хийсэн өөрийн үнэлгээний тайлан, нотлох баримтын хамт/  Өөрийн үнэлгээний тайлангийн загварыг greenmongolia.mn веб хуудсанд  байршуулсан МБАНХ-Б-11-2023 дугаар маягтын дагуу бэлтгэнэ. 
• Үйл ажиллагаандаа байгаль орчны болон чанарын удирдлагын менежментийн тогтолцоог нэвтрүүлсэн бол гэрчилгээний хуулбар /хэрэв ISO 9001, ISO 14001, ISO 45001 гэх мэт/

“Монголын бэлчээр ашиглагчдын нэгдсэн холбоо”-ны баталгаажуулалтын албанаас олгосон хүчинтэй тохирлын гэрчилгээний бүртгэл

Хүчингүй болсон гэрчилгээний жагсаалт

Гомдол ба заргыг барагдуулах 

1. Баталгаажуулалтын алба нь гомдол ба заргыг хүлээн авах үнэлэх шийдвэр гаргах үйл явцыг баримтжуулсан бие даасан журам боловсруулан мөрдөж ажиллана. “Гомдол, зарга, шийдвэрлэх  журам” / МБАНХ-Ж-11:2023/
2. Гомдол ба заргыг хүлээн авахдаа баталгаажуулалтын байгууллагын хариуцах үйл ажиллагаанд холбогдолтой гомдол, зарга мөн эсэхийг баталж, мөн бол бүртгэж шийдвэрлэх арга хэмжээ авна. Санал гомдол болон зарга маргааны  бүртгэлийн загвар / МБАНХ-Б-20-2023/
3. Баталгаажуулалтын алба нь албан ёсоор гомдол заргыг бүртгэж хүлээн авснаа нотолж үйлчлүүлэгчид мэдэгдэнэ.
4. Баталгаажуулалтын алба нь гомдол ба заргыг шийдвэрлэхэд шаардлагатай бүх мэдээллийг цуглуулж, шалгаж нотлох хариуцлага хүлээх ба гомдол, заргатай холбогдолтой баталгаажуулалтын үйл ажиллагаанд оролцдоггүй хүнийг томилж дүн шинжилгээ хийж баталгаажуулна.
5. Баталгаажуулалтын алба нь үйлчлүүлэгчидтэй харилцаж зөвлөгөө өгч байсан бол ашиг сонирхлын зөрчилтэйд хамаарах үйл ажиллагаанд хамааралтай болон дээрх ажилд ажиллаж байснаас хойших 2 жилийн хугацаанд багтах ажилтныг үйлчлүүлэгчийн гомдол ба заргын шийдвэрт дүн шинжилгээ хийх, батлахад оролцуулахгүй байх журмын мөрдөнө.
6. Баталгаажуулалтын алба нь гомдол ба заргыг шийдвэрлэхэд шаардлагатай зохих арга хэмжээг авч хэрэгжүүлнэ.
7. Баталгаажуулалтын алба нь гомдол ба заргыг шийдвэрлэсэн үйл явцын үр дүн, дуусгаврын тухай албан ёсны мэдэгдлийг гомдол, зарга үүсгэгчид албан ёсоор бичгээр гаргаж өгнө.

ГОМДОЛ ЗАРГЫГ ХҮЛЭЭН АВЧ ШИЙДВЭРЛЭХ

ҮЙЛ ЯВЦЫН СХЕМ

БАТАЛГААЖУУЛАЛТЫГ БАГАСГАХ,

ЗОГСООХ, ТҮДГЭЛЗҮҮЛЭХ ЖУРАМ

1. Ерөнхий зүйл

1. Энэхүү журмын зорилго нь Стандартчилал, техникийн зохицуулалт, тохирлын үнэлгээний итгэмжлэлийн тухай хууль, Монгол Улсын засгийн газрын 291 дугаар тогтоолыг хэрэгжүүлэх хүрээнд нийтийн ашиг сонирхол, хүний эрүүл мэнд, хүрээлэн буй орчин, улс орны аюулгүй байдалд хор учруулж болзошгүй бүтээгдэхүүнээс сэргийлэх, хохирол учруулахгүй байх зорилгоор бүтээгдэхүүн, үйлчилгээний чанар аюулгүй байдлыг тохирлыг баталгаанд заавал хамруулан, энэ хуулийн 16.1-д зааснаас бусад бүтээгдэхүүнийг сайн дурын үндсэн дээр баталгаажуулалтад хамруулж, бүтээгдэхүүн нь баталгаажуулалтад тэнцсэн тохиолдолд "Тохирлын гэрчилгээ” олгоход оршино.

2.Тохирлын гэрчилгээ олгох

1. Баталгаажуулалтын үйл явцын журмын дагуу баталгаажуулалтын алба нь бүтээгдэхүүн нь баталгаажуулалтын төрөл бүрээр батлагдсан схемийн дагуу үнэлгээ явуулсан шинжээчийн дүгнэлтийг үндэслэн өгөгдсөн шаардлагад нийцэж буй тохиолдолд хүсэлт гаргасан аж ахуйн нэгж, байгууллагад тохирлын гэрчилгээ олгоно.
2. Тохирлын гэрчилгээ нь Баталгаажуулалтын үйл явцын журмын дагуу тухайн бүтээгдэхүүн нь холбогдох стандарт ба бусад норматив баримт бичигт нийцэж байгааг батламжилж олгодог баримт бичиг
3. Стандартад тохирч буйг тохирлын гэрчилгээнд тусгагдсан стандартуудын тухай мэдээллийг хэрэглэгчдэд хүргэх явдал
4. Тохирлын гэрчилгээ нь стандартын бүх шаардлагад эсвэл зөвхөн стандартын аль нэг сонгосон хэсэг буюу үзүүлэлтийг хамарч болно.
5. Тохирлын гэрчилгээг гуравдагч этгээдийн баталгаажуулалтын тогтолцооны журмын дагуу олгох бөгөөд сайн дурын буюу заавал гэсэн шинжтэй байна.
6. Хүсэлт гаргагч нь баталгаажуулалтын байгууллагатай тохирлын гэрчилгээг хэрэглэх тухай гэрээг 3 жил хүртэлх хугацаагаар байгуулна.
7. Тохирлын гэрчилгээнд гэрчилгээний дугаар баталгаажуулалтын байгууллагын  болон баталгаажуулалтад тэнцсэн аж ахуйн нэгж байгууллагын нэр баталгаажсан бүтээгдэхүүний тэмдэглэгээ болон баталгаажуулалтад хамрагдах хэсэг, холбогдох стандартын иш таталт /нэр дугаар, хэвлэсэн он/ гэрчилгээ олгосон огноо, эрх бүхий ажилтны гарын үсэг тусгагдсан байна.
8. Баталгаажуулалтын хүрээнд нэмэлт оруулах , аливаа хүсэлтийг хүлээн авч үзээд нэмэлт оруулах эсэхийг тодорхойлохын тулд үнэлгээний ямар журам тохиромжтойг шийдвэрлэж түүний дагуу ажиллана.

3.Тохирлын гэрчилгээ хэрэглэх

1. Тохирлын гэрчилгээ хэрэглэх гэрээнд баталгаажуулалтын үйл явцад олж авсан мэдээллийн нууцлал, тохирлын гэрчилгээг сурталчилгаанд ашиглах, тэдгээрийг урвуулан ашиглах, хэрэглэгчийг төөрөгдүүлэх зэрэг үйлдэлд авах арга хэмжээ, хүлээх хариуцлага, бүтээгдэхүүний чанарын тогтвортой байдлыг шалгах хугацаа, тухайн бүтээгдэхүүний стандартад өөрчлөлт орсон үед авах арга хэмжээ, баталгаажуулалттай холбогдуулан гаргасан хүсэлт, маргааныг шийдвэрлэх асуудлыг тусгасан байна.
2. Баталгаажуулалтын байгууллага нь тохирлын гэрчилгээ эзэмшилт болон хэрэглээнд зохих хяналт тавина.
3. Баталгаажуулсан бүтээгдэхүүнд магадлах хяналт хийх, тодорхой хугацааны давтамжтайгаар дахин үнэлгээ хийж, холбогдох хяналтын үр дүн, бусад баримтаар баталгаажуулалтын шаардлага хангахгүй байгаа нь тогтоогдвол тохирлын гэрчилгээ багасгах, хэрэглэх, хугацааг түр зогсоох буюу хүчингүй болгоно.
4. Баталгаажуулалтыг түр зогсоох
5. Дахин үнэлгээ хийх
6. Тохирлын гэрчилгээг хүчингүй болгох

4.Баталгаажуулалтыг түр хугацаагаар зогсоох

1. Тохирлын гэрчилгээг дараах нөхцөлөөр гэрээг цуцлах буюу дор дурдсан хугацааны дотор эзэмшигчид гэрээ цуцлах тухай албан ёсоор мэдэгдэнэ. Үүнд:
2. Хэрэв илэрсэн зөрчил нь бүтээгдэхүүний чанарт нөлөөлөх ноцтой биш /60 хоног/
3. Баталгаажуулалтын үйл явцтай холбогдолтой дүрэм, журам зөрчигдсөн /30 хоног/
4. Баталгаажуулалтын үйлчилгээний төлбөр төлөөгүй бол /30 хоног/
5. Тухайн бүтээгдэхүүний баталгаажуулалтын үндэслэл болгож хэрэглэсэн стандарт өөрчлөлт орсон , нийлүүлэгчийн эзэмшигч бүтэц удирдлагад өөрчлөлт орсон , эсвэл тухайн бүтээгдэхүүн баталгаажуулалтын тогтолцооны шаардлагад нийцэхгүй байгаа аливаа бусад мэдээлэл авсан тохиолдолд түр зогсоож дахин үнэлгээ хийх /60 хоног/

5.Тохирлын гэрчилгээг хүчингүй болгох

1. Илэрсэн зөрчил нь бүтээгдэхүүний чанарт ноцтой нөлөөлөхүйц байх
2. Гэрээний нөхцөлийг зөрчсөн
3. Гэрээний хугацааг түр зогсоосон үед тухайн аж ахуйн нэгж, байгууллага тодорхой арга хэмжээ аваагүй
4. Тухайн аж ахуйн нэгж татан буугдсан буюу тухайн бүтээгдэхүүний үйлдвэрлэлийг зогсоосон
5. Тохирлын гэрчилгээ хэрэглэх хугацаагаа сунгуулаагүй
6. Тодорхой нэг бүтээгдэхүүнд гэрчилгээг хэрэглэхийг зогсоосон тэр хугацаанаас эхлэн зөвхөн тухайн бүтээгдэхүүний хувьд хүчингүй болно.

6.Тохирлын гэрчилгээний хугацаа сунгах

1. Гэрээний хугацаа дуусахаас нэг сарын өмнө гэрээний хугацааг сунгуулах хүсэлтээ гаргана.