Намрын адаг сарын Шинийн 3–ний Балжинням, Дашням давхцсан билэгт сайн өдөр буюу 2020 оны 10 дугаар сарын 19 ны  өдөр Увс аймгийн Бэлчээр ашиглагчдын холбоо өөрийн гэсэн байртай болж, нээлтийн ёслолоо хийлээ.

Монголын ноос ноолуурын салбарт тогтвортой байдлыг хангахад малчдын Хоршоодын оролцоо, сайн туршлагын талаар оролцогч талууд зөвлөлдөж байна. “Монголын ноос, ноолуурын салбарт тогтвортой байдлыг хөгжүүлэх нь” сэдэвт тус зөвлөгөөнийг Блью Скай зочид буудлын Жейд танхимд зохион байгуулж байгаа юм.

Дэлхийн II дайны дундуур, 1943 онд АНУ-ын ерөнхийлөгч Франклин Рузвелтийн санаачилгаар НҮБ-ын хурлыг Хүнс, хөдөө аж ахуйн асуудлаар зарлан хуралдуулж энэ хурлаас гаргасан шийдвэрийн дагуу дайны хөлд сүйдсэн хөдөө аж ахуйг сэргээн босгох, өлсгөлөн, хоол тэжээлийн дутагдалд нэрвэгдсэн хүмүүст туслах зорилготой байгууллага 1945 оны аравдугаар сарын 16-нд байгуулагдсан

Монгол ахуй, ёс заншил, өв соёл, уламжлалыг сурталчилан таниулж, нутгийн иргэдэд түшиглэсэн аялал жуулчлалыг хөгжүүлэх зорилготой “Тэсийн голын Монголчууд” төслийн ээлжит сургалтыг МБАНХ-наас зохион байгуулж байна. Сургалтад Швейцарийн хөгжлийн агентлагийн Ногоон алт малын эрүүл мэнд төслийн зохицуулагч Ц.Энх-Амгалан, Увс нуур-Тэсийн голын сав газрын захиргааны дарга М.Анхбаяр, Завхан аймгийн Бэлчээр ашиглагчдын холбооны Гүйцэтгэх захирал С.Гүррагчаа болон Завхан аймгийн Тэс, Хөвсгөл аймгийн Цэцэрлэг, Увс аймгийн Тус сумын малчдын төлөөлөл оролцож байна.

Төв аймгийн Сүмбэр сумын Иргэний танхимд тус суманд хэрэгжиж буй төслийн хүрээнд хийж буй ажлууд болон “Хариуцлагатай нүүдэлчид” цахим системийн хүрээнд ямар мэдээллийн бааз бий болж байгаа талаар, “Витафит милк”  компанид сүү нийлүүлэлтийн явцад анхаарах зүйл, малын эрүүл мэнд, бэлчээрийн хамгаалалт зэрэг асуудлаар холбогдох байгууллагууд мэдээлэл өглөө.

Борнуур суманд үйл ажиллагаа явуулдаг Улсын тэргүүний “Борнуур Бортолгой хоршоо”–ны үйл ажиллагаатай танилцаж, малчдын байгууллагыг хэрхэн хөгжүүлж үйл ажиллагааг нь жигдрүүлсэн талаар мэдээлэл авч, туршлага солилцлоо.

Борнуур суман дахь Витафит милк ХХК-ийн сүү хүлээн авах цэг дээр малчдаас сүү хүлээн авч бүртгэх, чанар шалгах үйл ажиллагаатай танилцлаа.

Монголын бэлчээр ашиглагчдын нэгдсэн холбооны Төв аймгийн Эрдэнэ суманд байрлах Цонжин вилла сургалтын төвд “Хариуцлагатай нүүдэлчид” стандартыг нэвтрүүлэх үүднээс загвар сумдын СБАХ-ийн тэргүүн, АБАХ-ны гүйцэтгэх захирал нарыг чадавхижуулах сургалтыг зохион байгуулж байна.

Тус цэцэрлэгийн хамт олон хүүхдийн байгууллагыг дэмжин ажилласан МБАНХ-ны гүйцэтгэх захирал Н.Ганхуяг болон түүний ажлын хамт олонд ажлын өндөр амжилт хүсэн ерөөлөө.

Сэлэнгэ аймгийн Баянгол суманд Доргонтын бэлчээрийн экосистемийг сайжруулах болон Бортолгойн зурвасан ойн экосистемийг дүйцүүлэн хамгаалах төслийг хэрэгжүүлж байна.

Баянхонгор аймгийн Шинэжинст суманд үржүүлдэг “Залаа жинст-Эдрэн” үүлдрийн цагаан ямааны, Говь-Алтай аймгийн Бугат суманд үржүүлдэг “Говь-Алтай” үүлдрийн Бугат үүлдрийн хонины, Булган аймгийн Бүрэгхангай суманд үржүүлдэг “Бүрэгхангай” үржлийн хэсгийн хонины  болон “Эрчим” үүлдрийн ямааны цөм сүргээс хурган хуц 110 толгой, ухнан ишиг 140 толгой, бүгд 250 толгой өсвөр хээлтүүлэгч шилэн сонгож, худалдан авах гэрээ байгуулаад байна.

Монгол ахуй, ёс заншил, өв соёлыг дотоодын аялагч болон гадаадын жуулчдад сурталчилан таниулж, байгалийн үзэсгэлэнт газарт ая тухтай амрах боломж олгох “Тэсийн голын Монголчууд” аялал жуулчлалын төслийн нээлт Хөвсгөл аймгийн Цэцэрлэг суманд /2020.08.12/ боллоо.  Цэцэрлэг сумын нутагт орших Булнайн нуруунаас эх аван урсдаг Тэсийн гол нь Хөвсгөл аймгийн Цагаан-Уул, Цэцэрлэг, Завхан аймгийн Асгат, Баянтэс, Тэс, Увс аймгийн Тэс, Баруунтуруун, Зүүнговь сумдын хүн ардыг ундаалж, ОХУ-ын нутгаар урсдаг ч эргэн Увс нуурт цутгадаг тул “Эх оронч гол” хэмээн нэрлэгдсэн гэдэг.

БАХ-ын малчидтайгаа хамтран мал сүрэгтээ зориулан ногоон тэжээл тариалах ажлыг жил болгон хийх боломжтой боллоо. Цаашид ногоон тэжээл, тариа буудайгаа намар хураан авч, өөрсдийн хэрэгцээнээсээ илүү гарснаа худалдан борлуулна

Баянтэс, Тэс, Асгат сумдын малчид жил ирэх бүр үнэгүйдсэн ноосоо хяргаж, сумдынхаа малчдын хоршоодод тушааж, үнийн дүнгийн тодорхой хувьд нь Үндэсний үйлдвэрлэгч Монгол текстайл компанийн бүтээгдэхүүнээс сонгон авах боломжтой болсондоо баяртай байгаагаа илэрхийлж байлаа.

Монголын бэлчээр ашиглагчдын нэгдсэн холбоо, Малчдын ногоон-Алт Дундын хоршоо хамтран “Хоршоод үйлдвэрүүдийн уулзалт” сургалт МХАҮТ-д IV дүгээр сарын 11-ны өдөр зохион байгуулагдаж, аймгуудын Бэлчээр ашиглагчдын холбооны Гүйцэтгэх захирал нар болон хоршоод түүхий эд бэлтгэлийн чиглэлээр хэрэгжүүлэх ажлаа тодорхойлох, гэрээ хэлэлцээр хийв.