“Газрын засаглалд үнэлгээ, мониторинг хийх LANDex сургалт” Улаанбаатар хотноо зохион байгуулагдлаа. Олон улсын газрын эвсэлийн /ILC/ дэмжлэгтэйгээр Байгаль орчин, хөгжлийн Жасыл холбооноос 5 сарын 21-22ны өдрүүдэд зохион байгуулсан Азийн бүсийн уг сургалтад Энэтхэг, Бангладеш, Непал, Монгол, Киргизстан орны төлөөлөгчид оролцов. Сургалтаар “Газрын засаглалын мониторингийн индекс”-ийн өгөгдөл мэдээ, хүлээх үр дүн зорилго, Газрын засаглалын мониторингийн тухай танилцуулга, үзүүлэлт ба арга зүйн талаархи ойлголтыг өгч, дата мэдээний эх сурвалж, дэлхийн болон улс орны түвшинд ямар хэмжээнд байгаа талаар мэдээлэл өглөө.

Исланд улсын “Нэгдсэн үндэстний их сургууль”-ийн дэргэдэх “Газрын доройтлыг бууруулах хөтөлбөр”-өөс санаачлан, ХААИС-ийн Агроэкологийн сургуулийн Экологийн тэнхим, Монголын бэлчээр ашиглагчдын нэгдсэн холбоо, Ус, цаг уур, орчны судалгаа, мэдээллийн хүрээлэнтэй хамтран “Байгалийн нөөцийн менежмент: Мэдээлэл боловсруулалт, үр дүнг ашиглах ур чадварыг хөгжүүлэх нь” сэдэвт олон улсын сургалтыг хоёр дахь жилдээ зохион байгуулж байна.

Улсын Их Хурал, Хүнс хөдөө аж ахуй, хөнгөн үйлдвэрийн яам, НҮБ-ын Хүнс, хөдөө аж ахуйн байгууллага, Швейцарын хөгжлийн агентлагийн Ногоон алт, Малын эрүүл мэнд төсөлтэй хамтран “Бэлчээрийн ашиглалт, хамгаалалтын эрх зүйн орчныг бүрдүүлэх нь” сэдэвт үндэсний хэлэлцүүлгийг Төрийн ордонд зохион байгуулж байна.

“Дэлхийн дулааралд өртөж буй хойд өргөрөгийн болон уулархаг бүс нутгийн ургамал ба өвсөн тэжээлтэн амьтадын харилцан хамаарал” сэдвээр Канадын Ванкувер хотын “Саймон Фрайзор” их сургуулийн профессор Дэвид Ник 2019 оны 05 сарын 17-ны өдөр 11цагт ХААИС-ийн 329 тоотод нээлттэй хэлэлцүүлэг өрнүүлнэ.

Ногоон алт малын эрүүл мэнд төслийн хүрээнд МБАНХ-ны Гүйцэтгэх захирал Н.Ганхуяг, Зөвлөх Л.Ганцогт, Малчдын ногоон алт Дундын хоршооны зөвлөх А.Өнөрзул, Хөвсгөл аймгийн АБАХ-ны Гүйцэтгэх захирал Г.Энхболд, аймгийн мал эмнэлгийн газрын мэргэжилтэн Л.Баярмаа, ШХА-ийн Малын эрүүл мэнд төслийн С.Дивангар, ХААИС-ийн багш Т.Ариунболд нар энэ сарын 13-19 ний өдрүүдэд Хөвсгөл аймгийн Цэцэрлэг, Цагаан- Уул, Арбулаг сумдад ажилласан билээ.

Хөвсгөл аймгийн Цагаан-Уул суманд НАМЭМ, МБАНХ -ны төслийн баг, ХААИС-ийн зөвлөхүүд ажиллаж байна. МБАНХ-ны Гүйцэтгэх захирал Н.Ганхуяг, Зөвлөх Л.Ганцогт, Малчдын ногоон алт Дундын хоршооны зөвлөх А.Өнөрзул, Хөвсгөл аймгийн АБАХ-ны Гүйцэтгэх захирал Г.Энхболд, аймгийн Мал эмнэлгийн газрын мэргэжилтэн А.Баярмаа, ШХА-ийн Малын эрүүл мэнд төслийн С.Дивангар, ХААИС-ийн багш Т.Ариунболд, Цагаан-Уул сумын Засаг дарга Д.Түмэнбаяр, ИТХ-ын дарга Х.Даваасүрэн тэргүүтэй тус сумын Бэлчээрийн менежментийн ажлын хэсгийнхэн, СБАХ-ны тэргүүн Д.Мөнхбат, БАХ-ийн ахлагч нарын уулзалт Цагаан-Уул сумын Тамгын газарт болж байна.

Хөвсгөл аймгийн Цэцэрлэг суманд НАМЭМ, МБАНХ -ны төслийн баг, ХААИС-ийн зөвлөхүүд ажиллаж байна. Тодруулбал, МБАНХ-ны Гүйцэтгэх захирал Н.Ганхуяг, Зөвлөх Л.Ганцогт, Малчдын ногоон алт Дундын хоршооны зөвлөх А.Өнөрзул, Хөвсгөл аймгийн АБАХ-ны Гүйцэтгэх захирал Г.Энхболд, аймгийн мал эмнэлгийн газрын мэргэжилтэн Л.Баярмаа, ШХА-ийн Малын эрүүл мэнд төслийн С.Дивангар, ХААИС-ийн багш Т.Ариунболд, Цэцэрлэг сумын Засаг дарга Д.Цогт, ИТХ-ын дарга Ч.Дашдаваа тэргүүтэй сумын бэлчээрийн менежментийн ажлын хэсэг, СБАХ-ны тэргүүн Д.Дамжинрагчаа, багийн ахлагч нарын уулзалт Цэцэрлэг сумын Тамгын газарт боллоо.

Монголын бэлчээр ашиглагчдын нэгдсэн холбоо, Малчдын ногоон-Алт Дундын хоршоо хамтран “Хоршоод үйлдвэрүүдийн уулзалт” сургалт МХАҮТ-д боллоо. Уулзалт сургалтыг ХХААЯ, Ногоон алт-малын эрүүл мэнд төсөл- /НАМЭМ/, Монголын Бэлчээр Ашиглагчдын Нэгдсэн Холбоо /МБАНХ/, Европын холбоо, Дэлхийн байгаль хамгаалах сан /WWF/, TNC ОУ-ын байгууллага /TNC/, Монголын Ноос Ноолуурын Холбоо /МННХ/, Монголын Арьс Ширний Үйлдвэрлэлийн Холбоо /МАҮШХ/, Монголын Худалдааг дэмжих төсөл хамтран зохион байгуулсан юм

Швейцарийн хөгжлийн агентлагийн НАМЭМ төслийг хэрэгжүүлэгч МБАНХ-ны үйл ажиллагаанд үнэлгээ хийхээр Нидерланд улсаас ирсэн Үнэлгээний баг болон МБАНХ-ны хамтрагч талуудтай хийх уулзалт Скай плаза төвд боллоо.