Support 
Та бүхнийг “ТӨРӨЛХ БЭЛЧЭЭР НУТГАА ХАМГААЛЦГААЯ” уриан дор зохион байгуулж буй Бэлчээрийн Үндэсний Форумд урьж байна
Монгол орны нийгэм эдийн засаг, МАА-н үйлдвэрлэлийн тулгуур багана болсон бэлчээр нутгаа хамгаалах, доройтлоос урьдчилан сэргийлэх, зүй зохистой ашиглалтыг төлөвшүүлэх, хариуцлагыг өндөржүүлэх зорилгын дор салбарын мэргэжилтнүүд болон малчид, бэлчээр ашиглагчид хуран чуулж хамтын ажиллаагаа, харилцан уялдаа холбоогоо хөгжүүлэх, бэхжүүлэхэд хувь нэмрээ оруулахад энэ форумын үндсэн зорилго оршино.
Үндэсний форум 2017 оны 9-р сарын 27-28-ны өдрүүдэд УБ хотоос 49км зайд орших Горхи Тэрэлжийн Байгалийн Цогцолбор газар Ред Рок Цогцолборт зохион байгуулагдана.
Дэлгэрэнгүй мэдээллийг: www.redrockresort.mn
Форумын хүрээнд ханан илтгэл болон хэлэлцүүлгүүд дараахь сэдвүүдээр явагдана:
Малчдын оролцоо, идэвх санаачилга, хамтын ажиллагааг бэхжүүлэх нь бэлчээр нутаг, байгалийн бусад нөөцийн тогтвортой, зүй зохистой ашиглалтын чухал хэсэг болох тухай
Бэлчээрийн сэргэх чадавхийн зүй тогтол, зарчим болон төлөв байдлын өөрчлөлтийн загварууд нь бэлчээр ашиглалт болон салбарын олон талт хамтын ажиллагааг бэхжүүлэх үндэс болох нь
Бэлчээрийн төлөв байдлын хяналт үнэлгээ, түүний онол арга зүйн үндэслэл, хэрэглээ, үр дүн
Бэлчээр ашиглалтын эрх зүйн зохицуулалтыг сайжруулах, хариуцлагыг нэмэгдүүлэх боломжууд
Бэлчээрийн экологи болон экосистемийн үйлчлэл, түүний тогтвортой байдлыг хангах нь
Бэлчээр, байгалийн нөөцийн тогтвортой ашиглалтад МАА-н түүхий эдийг түшиглэсэн аж үйлдвэрийн салбар болон хэрэглэгчдийн үүрэг, оролцоо
Форумын хүрээнд зохион байгуулагдах бусад арга хэмжээ:
МАА-н салбарын үзэсгэлэн: Бэлчээрийн чиглэлээр үйл ажиллагаа явуулдаг төсөл хөтөлбөр, байгууллага компани, бэлчээрийн мэргэжилтэн бэлтгэдэг их, дээд сургууль, эрдэм шинжилгээний хүрээлэн, боловсруулах үйлдвэр, гар урлал хийдэг иргэн, аж ахуйн нэгж, байгууллагууд оролцоно. Оролцох байгууллагууд
Бэлчээрийн сэргэх чадавхийг тодорхойлох, чадавхийн мэдээллийг ашиглах арга зүйн үзүүлэх сургалт
“Бэлчээр- Ногоон Алт” сэдэвт фото зургийн үзэсгэлэн
Оюутнуудын дунд зохион байгуулах Бэлчээрийн ургамал таньж тодорхойлох уралдаан
Сарлагийн хөөвөр, торомны ноосон бүтээгдэхүүний загварын үзүүлбэр, үзэсгэлэн худалдаа
Аман болон ханан илтгэл хүлээж авах хугацаа: 2017 оны 7 сарын 15-аас 9 сарын 15 хүртэл
Илтгэлийн загвар болон тавигдах шаардлагатай холбоосоор орж танилцана уу:
Илтгэлийн загвар
Тавигдах шаардлага
Бэлэн болсон илтгэлийг info@greenmongolia.mn хаягаар илгээнэ үү.
ЭНД дарж форумд бүртгүүлнэ үү.